తమ భార్య రేణూ దేశాయ్‌తో పవర్ స్టార్ పవన్ కళ్యాణ్‌కు విభేదాలు పొడసూపినట్లు టాలీవుడ్ వర్గాలు గుసగుసలాడుతున్నాయి. రేణూ దేశాయ్‌తో విడాకులు తీసుకోవడానికి ఆయన సిద్ధపడ్డారట. ఈ మేరకు ఇరువురి మధ్య ఓ ఒప్పందం కుదిరినట్లు కూడా ప్రచారం జరుగుతోంది. విభేదాలు ముదిరిపోయి విడాకులు తీసుకోవడానికి దారి తీసినట్లు చెబుతున్నారు. రేణూ దేశాయ్‌కి భరణం కింద ఆరు కోట్ల రూపాయలు ఇవ్వడానికి పవన్ కళ్యాణ్ అంగీకరించారట. పిల్లల బాధ్యతను కూడా తానే తీసుకుంటానని ఆయన చెప్పినట్లు సమాచారం. రేణూ దేశాయ్ ప్రస్తుతం పూణేలోని తన పుట్టినింట్లో ఉంటున్నట్లు వినికిడి.కాగా, పవన్ కళ్యాణ్ మొదటి భార్యను దూరంగా ఉంచి రేణూ దేశాయ్‌తో సహజీవనం సాగిస్తూ వచ్చారు. మొదటి భార్య వ్యవహారం కోర్టు దాకా వెళ్లింది. తన సోదరుడు చిరంజీవి ప్రజారాజ్యం పార్టీని స్థాపించే క్రమంలో మొదటి భార్యతో విడాకులకు పవన్ కళ్యాణ్ చర్చల ద్వారా ఒప్పందం కుదుర్చుకున్నారు. ఇప్పుడు మళ్లీ రేణూ దేశాయ్‌తో పవన్ కళ్యాణ్ విడిపోనున్నట్లు వార్తలు వస్తున్నాయి.
ప్రిన్స్ మహేష్ బాబు హీరోగా శ్రీను వైట్ల దర్సకత్వంలో తెరకెక్కుతున్న చిత్రం 'దూకుడు'. ఈ చిత్రం లో మహేష్ పోలీసు ఇన్ఫార్మర్ గా నటిస్తున్నాడు, సమంత హీరోయిన్ గా నటిస్తోంది. ఈ సినిమాకు సంబందించిన తాజా షూటింగ్ ముంబైలో జరుగుతుంది. రాజుసుందరం నేతృత్వంలో పాట చిత్రీకరిస్తున్నారు. మొత్తం పది రోజుల షెడ్యూల్ లో కొంత యాక్షన్ పార్ట్ కూడా చిత్రీకరించనున్నారు. 
చేస్తున్నది ఒక్క సినిమా. కానీ అది కూడా సకాలంలో పూర్తి చేయలేకపోతున్నాడు మహేష్ బాబు. సాధారణంగా ఒక సినిమా తీయడానికి నాలుగైదు నెలలకి మించి తీసుకోని శ్రీను వైట్ల కూడా మహేష్ తో సినిమా అనేసరికి నత్త నడక నడుస్తున్నాడు. వేరే దర్శకులతో సినిమాలు చేయడానికి తలయితే ఊపేశాడు కానీ ప్రస్తుతం చేస్తున్న సినిమా పని త్వరగా పూర్తి చేయడంలో మహేష్ విఫలమవుతున్నాడు.
సినీ పరిశ్రమలో ఆడపిల్లలు ప్రవేశిస్తానంటే అక్కడ వారికి రకరకాల సమస్యలు ఎదరౌతాయని అందరూ అంటూంటారు.అది చాలా భాగం నిజమని సినీ పరిశ్రమలో పెద్దలు కూడా అంటూంటారు. అయితే బాలీవుడ్‌లో అవకాశాల కోసం ఆడపిల్లలు నానా బాధలు పడుతుంటే మగవాళ్లు కూడా అంతకంటే ఎక్కువ బాధలు పడాల్సి వస్తోందని యువ హీరో రణవీర్ సింగ్ చెప్తున్నారు.ఆడపిల్లల తో పాటు అబ్బాయిలకుకూడా సమానమైన ప్రమాదాలు ఎదురవుతున్నాయని అంటున్నాడు. అటు ఆడపిల్లల్ని, మగవాళ్లని కూడా వదలకుండా ఇబ్బంది పెడుతున్నారని రణవీర్‌సింగ్ చెప్పాడు.ముఖ్యంగా మగవాళ్ళ నుండే మగవాళ్ళకు సమస్యలు ఎదరౌతున్నాయని అంటున్నాడు. అయితే తన అదృష్టవశాత్తు తనకు అలాంటి సమస్యలు ఎదురుకాలేదని చెప్పాడు. ఎందుకంటే..తాను యష్‌రాజ్ సంస్థ నిర్మించిన బ్యాడ్ బజా భరత్ చిత్రంతో పరిచయమయ్యాను కాబట్టి తనకా సమస్య ఎదురుకాలేదని అన్నాడు.మొత్తానికి సినీ పరిశ్రమలో మనిషి అన్నవాళ్లని వదలట్లేదని, వారి ద్వారా ఏదో ఒక ఉపయోగం ఉంటేనే అవకాశాలు దొరుకుతున్నాయని రణవీర్‌సింగ్ చెప్పిన మాటలు బాలీవుడ్ లో జనాల్ని ఆలోచనలో పడేస్తున్నాయి.
ప్రతి ఒక్కరూ మీరు గ్లామర్ పాత్రలకే పరిమితం అవుతున్నారు.ఎప్పుడూ స్కిన్ షో పాత్రలేనా... టు పీస్ బికినీ వేయడానికి రెడీనా అని ప్రశ్నిస్తున్నారు. ఈ రోజుల్లో ఇలాంటి పాత్రలు చేయకుంటే సినిమా చూసేదెవరు? ప్రస్తుత పరిస్థితుల్లో ఇలాంటి గ్లామర్ పాత్రలు వేయడం తప్పేటట్లు లేదు. కుర్రకారు కూడా అదే కోరుకుంటోంది. సినిమాల్లో నటనకి చోటెక్కడుంది. అసలు దాని గురించి ఆలోచించేదెవరు? అంటోంది హన్సిక. అలాగే నేటి సినిమాలకు మేజర్ గా కుర్రకారు ఆదరణ అవసరం.వాళ్ళ కోసమే విప్పి చూపెడుతున్నాను అని శెలవిచ్చింది. ప్రస్తుతం హన్సిక ...రామ్ ప్రక్కన కందిరీగ చిత్రంలో చేస్తోంది. అలాగే సిద్దార్ధ సరసన దిల్ రాజు ,వేణు శ్రీరామ్ రూపొందించే చిత్రంలోనూ కమిటైంది.త్వరలోనే ఆమె బికినీలో కనిపిస్తుందని, ఇందుకోసం ఫోటోషూట్ జరపనుందని, ముఖ్యంగా బాలీవుడ్ ని ఆకర్షించటానేకే ఈ ప్రయత్నాలు అంటన్నారు. మరో ప్రక్క ఆమె ఫోటోని మార్పింగ్ చేసి హన్సిక ..బికినీలో అంటూ నెట్లో చెలామణి అవుతున్నాయి.
ఇలియానాకి ఇప్పటికీ డిమాండ్ తగ్గలేదేమో కానీ ఆమె ఫ్రెజెన్స్ తో సినిమాలు ఆడే రోజులైతే ఎప్పుడో పోయాయి. ‘ఆట’లాంటి సినిమాకి కలెక్షన్లు రావడానికి కారణమైన ఇలియానా, ‘దేవదాసు’ విజయంలో కీలక భూమిక పోషించిన ఇలియానా ఇటీవలి కాలంలో అదే విధంగా సక్సెస్ కాలేకపోతోంది. సినిమా బాగోకపోతే ఇలియానా ఉన్నా కానీ జనం థియేటర్లకి రావడం లేదు. ఈ నేపథ్యంలో హిట్టిస్తేనే ఇలియానా తన ఉనికి నిలబెట్టుకోగలుగుతుంది. ‘రెచ్చిపో’, ‘సలీమ్’ వంటి డిజాస్టర్స్ తర్వాత ఏడాదికి పైగా గ్యాప్ తీసుకుని ‘శక్తి’తో వస్తున్న ఇలియానాకి ఈ సమ్మర్ లో రెండు పరీక్షలు ఎదురు కానున్నాయి. 
సాదారణంగా హీరోయిన్లు పోషించాలనుకునే పాత్రలు కొన్ని వుంటాయి. వాటిలో ఒకటి వేశ్య పాత్ర! ఆ క్యారెక్టర్ లో నటిస్తే తమలోని అసలైన నటి బయటకు వస్తుందని వాళ్ల నమ్మకం. ఆమధ్య అనుష్క కూడా అలాగే 'వేదం' సినిమాలో ఆ టైపు క్యారెక్టర్ చేసి మంచి మార్కులు కొట్టేసింది. ఇప్పుడు మరో నటి సంగీత కూడా ఓ సినిమాలో వేశ్యగా యాక్ట్ చేసింది.
ఒకప్పటి బాలీవుడ్ సూపర్ స్టార్ మనీషా కొయరాలా ఆ మధ్యన పెళ్ళి చేసుకుని సినీ జీవితానికి స్వస్తి చెప్పింది.అయితే తాజాగా ఆమె మనస్సు సినిమాలపై మళ్ళింది.నటిగా కొత్త ఇన్నింగ్స్‌ని ప్రారంభించటానికి సిద్దపడింది. దీప్తి నావల్‌ దర్శకత్వంలో రూపొందనున్న 'దో పైసే కి ధూప్‌ ఛార్‌ ఆనే కి బారిస్‌' అనే చిత్రం కమిటైంది.ఆ చిత్రంలో మనీషా వేశ్య పాత్రలో నటిస్తున్నట్లు సమాచారం. వాస్తవ సంఘటనల ఆధారంగా అల్లుకున్న కథ ఇదని,వేశ్యగా బతుకు వెళ్లదీయడం ఎంత కష్టమో తెలియజేస్తూనే ఆ వృత్తిలో ఉన్న భావోద్వేగాలను కళ్లకు కట్టినట్లు చూపించే ప్రయత్నం చేస్తున్నానని దర్శకుడు దీప్తి చెప్తున్నారు. చక్రాల కుర్చీకే పరిమితమైన తన కొడుకు భవిష్యత్తు కోసం ఆ తల్లి ఎలాంటి కష్టాలకు ఓర్చుకోవల్సి వచ్చింది? ఇంతకీ కథకు ముగింపు ఎలా ఉంటుంది? అనేది కీలకమని చెప్తున్నాడు. కథ వినగానే నటించేందుకు మనీషా ఒప్పుకోవడం తనకు ఆనందం కలిగించిందని దీప్తి చెబుతున్నారు.
నేనేమీ ప్లే బోయ్ ని కాను.నేను ఇంతవరకూ ఎవరితోనూ ప్రేమాయణం సాగించలేదు. ఇన్నాళ్లుగా నా మీద వచ్చిన రూమర్స్ ని ఇక అపేస్తే మేలు. అలాంటి వార్తలు వచ్చిన ప్రతిసారీ నా తల్లితండ్రులు బాధపడుతున్నారు.నేనైతే వాటి గురించి పెద్దగా పట్టించుకోను. భవిష్యత్తులో ఏ హీరోయిన్ తోనూ సంబంధాలు పెట్టి రాయొద్దు అంటూ మీడియోతో మాట్లాడాడు బాలీవుడ్ యంగ్ స్టార్ హీరో రణ్‌బీర్‌. ప్రస్తుతం ఆయన నర్గిస్‌ ఫక్రితో కలిసి 'రాక్‌స్టార్‌' సినిమాలో నటిస్తున్నారు. ఇంతియాజ్‌ అలీ దర్శకత్వం వహిస్తున్నారు. రణ్‌బీర్‌ కపూర్‌ గురించి బాలీవుడ్ మీడియా ఓ ప్లే బోయ్ గా అభివర్ణిస్తుంది. దీపికా పదుకొణె, సోనమ్‌ కపూర్‌లతో ప్రేమాయణాలు సాగించాడంటూ వార్తలు వచ్చాయి. ఆ తరవాత కత్రినా కైఫ్‌, అనుష్క శర్మ, నర్గిస్‌ ఫక్రిలతో సన్నిహితంగా ఉన్నాడు. ఈ ప్రేమ వార్తలు అతని ఇంట్లో కలకలం రేపాయి. కుటుంబ పెద్దలు ఈ కుర్ర హీరో ఇంట్లో హెచ్చరించినట్లు తెలిసింది.దాంతో ఇలా మీడియా ముందు అతను మాట్లాడాల్సి వచ్చింది.
రీసెంట్ గా చార్మి నటించిన దొంగలముఠా,మంగళ చిత్రాలు భాక్సాఫీస్ వద్ద డిజాస్టర్ టాక్ తెచ్చుకున్నాయి.అప్పటికే వరస ఫ్లాపులులో ఉన్న ఆమెను ఇలా కంటిన్యూగా ప్లాపులు వస్తున్నాయి కదా మీకేమీ ఇబ్బంది అనిపించటంలేదా...అది మీ కెరీర్ కి మైనస్ కాదా అని చార్మిని మీడీయావారు అడిగితే...ఆమె చాలా తెలివిగా...లెక్కల్లో మైనస్ అంటే నాకు చాలా ఇష్టం. దానికి మరో మైనస్ కలిస్తే అదే ప్లస్‌ అవుతుంది... కాబట్టి నా ప్రయత్నం నేను చేసాను. ఫ్లాఫ్ అయినంత మాత్రాన నేనే మైనస్ అనుకుంటే ఎలా అంది. సరే ఇంతకీ మీలో మైనస్ ఏమిటి అని అడిగితే..అనవసర విషయాల గురించి కూడా కొంచెం ఎక్కువగా ఆలోచిస్తాను. ఇప్పుడు నాలో మైనస్ ఏమిటి? అని అడిగారు కదా...ఓ నాలుగైదు రోజుల వరకూ ఈ విషయం గురించే ఆలోచిస్తాను. ఎంతకీ తట్టదు. అదే నాలో మైనస్ అంటూ చెప్పుకొచ్చింది. ప్రస్తుతం చార్మి నగరం నిద్రపోతున్న వేళ, సేవకుడు, హిందీలో బుడ్డా చిత్రాలు చేస్తోంది.
ప్రియమణి, విమల రామన్ లతో ఇటీవల జగపతిబాబు చేసిన సినిమాల్లో రెచ్చిపోయి రొమాన్స్ చేసాడు. ఈ సన్నివేశాలు జగపతిబాబు ఫ్యామిలీ మెంబర్స్ ను విపరీతంగా టెన్షన్ కు గురిచేసాయని తెలుస్తోంది. జగపతిబాబు భార్య, కూతురు ఇకపై ఇలాంటి రొమాన్స్ సీన్స్ లో నటించవద్దని జగపతి బాబుతో చెప్పారట. తన తండ్రి ఇలాంటి సన్నివేశాల్లో నటించడం వల్ల తన ఫ్రెండ్స్ సర్కిల్లో కొన్ని ఇబ్బందులను ఎదుర్కోవాల్సి వస్తుందని జగపతి బాబు కూతురు భావిస్తోందట. ఈ నేపథ్యంలోనే జగపతి బాబు తెర రొమాన్స్ కి అడ్డు కట్ట వేసారు జగపతిబాబు కుటుంబ సభ్యులు. మరి ఫ్యామిలీ మెంబర్స్ మాట విని జగపతిబాబు తన రొమాన్స్ ను తగ్గించుకుంటాడో?లేదో వేచి చూడాల్సిందే.
విశాఖపట్నం: ఓ ఇంటర్మీడియేట్ విద్యార్థిని దారుణంగా హత్య చేసిన సంఘటన విశాఖపట్నంలో మంగళవారం చోటు చేసుకుంది. ఇంటర్మీడియేట్ చదువుతున్న అశ్విని మృదుల అనే అమ్మాయిని గుర్తు తెలియని దుండగులు దారుణంగా కత్తితో కోసి చంపారు. విశాఖలోని దొండపర్తి జంక్షన్‌లోని మెట్రో రెసిడెన్సీలోని ఈ హత్య చోటు చేసుకుంది. ఈ హత్య మధ్యాహ్నం 11 నుండి 12 గంటల ప్రాంతంలో జరిగినట్లుగా తెలుస్తోంది. అశ్విని కాళ్లు, చేతులు కట్టేసి గొంతును కత్తితో కోశారు. ఉదయం తమ్ముడితో పాటు ఇంట్లోనే అశ్విని ఉంది. అయితే తమ్ముడు పాఠశాలకు వెళ్లిన తర్వాత ఈ హత్య జరిగినట్లుగా తెలుస్తోంది.
ప్రముఖ సాఫ్ట్‌వేర్‌ దిగ్గజం మైక్రోసాఫ్ట్ కార్పోరేషన్.. భారత్‌లో తన కార్యకలపాలను నిర్వహించేందుకు.. ఒరాకిల్ ఇండియా మాజీ మేనేజింగ్ డైరెక్టర్ భాస్కర్ ప్రమాణిక్‌ను మైక్రోసాఫ్ట్ ఇండియా చైర్మన్‌గా నియమిస్తున్నట్లు ప్రకటించింది. భాస్కర్ నియామకం తక్షణమే అమల్లోకి వస్తుందని, మైక్రోసాఫ్ట్ ఇండియా చైర్మన్‌, కార్పోరేట్‌ వైస్‌ ప్రెసిడెంట్‌ రవి వెంటేషన్‌ స్థానంలో భాస్కర్‌ను నియమించామని కంపెనీ ఓ ప్రకటనలో పేర్కొంది. భాస్కర్.. మైక్రోసాఫ్ట్ అమ్మకాలు, మార్కెటింగ్‌, సర్వీసెస్‌ రంగాలను అభివృద్ధి చేయడంతో పాటు తమ సిటిజన్‌షిఫ్‌ ఎజెండాను భారత జాతీయ ప్రాధాన్యతలకు అనుగుణంగా తీర్చిదిద్దగలరని మైక్రోసాఫ్ట్ ధీమా వ్యక్తం చేసింది.
హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి అధికారాన్ని అడ్డుపెట్టుకొని ప్రజల సొమ్ము దోచుకున్నారని తెలుగుదేశం పార్టీ అధ్యక్షుడు చంద్రబాబునాయుడు మంగళవారం అసెంబ్లీలో విరుచుకు పడ్డారు. ప్రజల సొమ్ము దోచుకోవడానికి వీరికి హక్కులు ఎవరు ఇచ్చారని ప్రశ్నించారు. తెలుగుదేశం పార్టీ హయాంలో ఏమైనా అక్రమాలు జరిగినాయని అనుమానాలు ఉంటే విచారణకు సిద్ధమని సవాల్ చేశారు. నాటి వైయస్ ప్రభుత్వం కర్ణాటకలో ఒకరికి రాష్ట్రంలో భూములు కట్టబెట్టి బెంగుళూరు కమర్షియల్ బిల్డింగ్ జగన్ సొంతం చేసిందని ఆరోపించారు. బ్రాహ్మిణీ స్టీల్స్ ఇప్పటి వరకు ఒక్క ఉద్యోగాన్ని కేటాయించక పోవడమే కాకుండా అసలు ఒక్క పైసా పెట్టుబడి పెట్టలేదన్నారు.
