రజనీకాంత్ ప్రస్తుత పొజీషన్ తెలిపే హాస్పటిల్ లో తీసిన ఫోటో

సూపర్ స్టార్ రజనీకాంత్ అస్వస్థతకు గురై ఆస్పత్రిలో చికిత్స పొందుతున్న విషయం తెలిసిందే. రజనీ ఆస్పత్రిలో చేరిన తర్వాత మీడియాలో ఆయన ఆరోగ్యం పట్ల రకరకాల వార్తలు ప్రచారంలోకి వచ్చాయి. ఆ వార్తలు విని అభిమానులు ఆందోళన గురిఅవుతున్నారు.వారంతా రజనీ పరిస్థితి ఏంటో తెలుసుకోవాలని వారు ఉబలాటపడుతున్నారు.అందుకోసం రజనీ అల్లుడు వారిని సంతోషపరచటానికి..తన ట్విట్టర్‌లో ఈ ఫొటోని కూడా పొందుపరిచారు. 

తన కుమార్తె ఐశ్వర్యతో రజనీకాంత్ చిరునవ్వులు చిందిస్తూ... ‘ఐ యామ్ ఆల్‌రైట్’ అన్నట్లు చూపుతున్నఈ ఫొటో ఆస్పత్రిలో తీసింది.రజనీ ఆరోగ్యంగా ఉన్నారనే విషయాన్ని అభిమానులకు తెలియజేయాలనే ఆకాంక్ష తోనే ఈ ఫొటోని ట్విట్టర్‌లో పెట్టానని, సూపర్ స్టార్ ఆరోగ్యం గురించి వస్తున్న వార్తలను నమ్మొద్దని, సూపర్ స్టార్ రాక్స్ అని ధనుష్ పేర్కొన్నారు. ఈ ఫొటోని పత్రికలవారు ముద్రించమని కూడా ధనుష్ ఆ ట్విట్టర్‌లో చెప్పుకొచ్చారు

కృష్ణా జిల్లాలో కాంగ్రెసుకు షాక్: వైయస్ జగన్ పార్టీలో చేరిన మాజీ విప్

విజయవాడ: కాంగ్రెసు పార్టీ సీనియర్ నేత, మాజీ విప్ ఉదయభాను కాంగ్రెసు పార్టీకి రాజీనామా చేశారు. పార్టీకి రాజీనామా చేసిన ఉదయభాను వైయస్ జగన్‌కు చెందిన వైఎస్ఆర్ కాంగ్రెస్ పార్టీలో చేరారు. ఆయనతో పాటు పలువురు స్థానిక నేతలు కూడా జగన్ పార్టీలో చేరారు. కృష్ణా జిల్లాలో కాంగ్రెసు పార్టీకి కీలక వ్యక్తిగా ఉన్న ఉదయభాను వెళ్లి పోవడంతో పార్టీకి గట్టి దెబ్బ తగిలింది.

ఆయనే కాకుండా జగ్గయ్యపేట నియోజకవర్గంలోని దాదాపు అందరు నేతలు, కార్యకర్తలు ఆయనతో పాటే వైయస్ఆర్ కాంగ్రెసు బాట పట్టారు. ఈ సందర్భంగా ఉదయభాను మాట్లాడుతూ తాను తీసుకున్న ఈ నిర్ణయానికి నియోజకవర్గంలోని ప్రజలు సంతోషం వ్యక్తం చేస్తున్నారని చెప్పారు. రోజు రోజుకి వైయస్ఆర్ కాంగ్రెసు పార్టీ బలపడుతుందన్నారు. ముఖ్యమంత్రి కిరణ్ కుమార్ రెడ్డి, తెలుగుదేశం పార్టీ అధ్యక్షుడు చంద్రబాబునాయుడు కుమ్మక్కై జగన్మోహన్ రెడ్డిపై దాడి చేస్తున్న విషయం ప్రజలు గమనిస్తున్నారని అన్నారు

రజనీకాంత్ కోలుకోవాలని రాఘవేంద్రస్వామి మఠంలో లారెన్స్ యాగం

చెన్నై: సూపర్ స్టార్ రజనీకాంత్ త్వరగా కోలుకోవాలని కోరుతూ ప్రముఖ డాన్సు మాస్టర్ లారెన్సు రాఘవేంద్ర తమిళనాడు రాజధాని చెన్నైలోని రాఘవేంద్రస్వామి మఠం ఐదురోజుల యాగం చేస్తున్నారు. రజనీ త్వరగా కోలుకోవాలని ఆయన ఆకాంక్షించారు. రజనీ కోలుకోవాలని తాను మాత్రమే కాదని అందరూ కోరుకుంటున్నారని అన్నారు. రజనీ త్వరలో సంపూర్ణ ఆరోగ్యంతో తిరిగి వస్తారని అన్నారు. ఆయనకు సీరియస్‌గా ఉందంటే తాను తట్టుకోలేక పోతున్నానని అన్నారు.

ఆయన చాలా బాగున్నారని, ఎవరూ కూడా బాగా లేరని అనకూడదని అన్నారు. రజనీ త్వరగా హాస్పిటల్ నుండి డిశ్చార్జ్ కావాలని అందరూ తమతమ ఇష్ట దైవాన్ని ప్రార్థించాలని కోరారు. ఈ ఐదురోజుల పాటు వెయ్యి మందికి నిత్యాన్నదానం చేయనున్నారు. అయితే రాఘవేంద్ర మొదటి రోజు యాగంలో పాల్గొని తర్వాత హైదరాబాదులో జరగనున్న షూటింగ్‌లో పాల్గొనేందుకు వెళ్లనున్నారు