హైదరాబాద్: మాజీ పార్లమెంటు సభ్యుడు వైయస్ జగన్‌ను ఎదుర్కునే సత్తా ప్రజారాజ్యం పార్టీ అధ్యక్షుడు చిరంజీవికి ఉందా అనేది విషయం చర్చనీయాంశంగా మారింది. జగన్‌ను ఎదుర్కోవడానికే కాంగ్రెసు అధిష్టానం చిరంజీవిని చేరదీస్తుందనే అభిప్రాయం బలంగా ఉంది. ఈ నేపథ్యంలో చిరంజీవి సత్తాపై చర్చ జరుగుతోంది. ప్రజారాజ్యం పార్టీ వ్యవస్థాగత వ్యవహారాలను కొలిక్కి తెచ్చి పార్టీ నిర్మాణాన్ని బలోపేతం చేయడంలో చిరంజీవి పూర్తిగా విఫలమయ్యారనే భావన ఉంది. ఈ స్థితిలోనే కాంగ్రెసులో ప్రజారాజ్యం పార్టీని విలీనం చేయాలని, వచ్చే ఎన్నికలకు సారథ్యం వహించాలని కాంగ్రెసు అధిష్టానం చిరంజీవిని కోరుతున్నట్లు సమాచారం. కాంగ్రెసుకు సంబంధించి వ్యవస్థాగత నిర్మాణ బాధ్యతలు పూర్తిగా మోయాల్సిన భారం చిరంజీవిపై ఉండదు. అందుకు తగిన ఏర్పాట్లు కూడా జరుగుతాయి.
No comments:
Post a Comment