యునైటెడ్ ఆరబ్ ఎమిరేట్స్‌లో భారతీయుడి ఆత్మహత్యా యత్నం

 దుబాయ్: యూనెటైడ్ అరబ్ ఏమిరేట్స్ (యూఏఈ)లోని రాస్ ఆల్ ఖైమాలోభారతీయుడొకరు(27) ఆత్మహత్యకు యత్నించాడు. గొంతు కోసుకుని ప్రాణాలు తీసుకునేందుకు అతడు ప్రయత్నించాడని స్థానిక మీడియా తెలిపింది. బాధితుడి పేరు జీ.ఎస్.గా మాత్రమే పేర్కొంది.

ఆరేళ్ల పాటు ప్రాణపదంగా ప్రేమించిన ప్రియురాలు వేరొకరిని పెళ్లి చేసుకోవడంతో అతను ఈ ఆత్మహత్యకు ప్రయత్నించాడు. ఆస్పత్రిలో కోలుకున్న అతడిని పోలీసులు అరెస్ట్ చేశారు. ఆత్మహత్యాయత్నం నేరం కింద అతడికి ఆరు నెలల జైలు లేదా రూ. 62 వేలు జరిమానా విధించే అవకాశముంది.