ఆ భగవంతుడ్ని ఒకటే కోరుకుంటున్నానంటున్న స్టార్ హీరోయిన్....

 

 మన సంప్రదాయాలంటే నాకు చాలా ఇష్టం. ముఖ్యంగా పండగలు జరుపుకోవడం అంటే మహా ప్రీతి. సినిమాల్లోకి రాకముందు అన్ని పండగలూ జరుపుకునేదాన్ని. అయితే ఒక్కోసారి షూటింగ్స్ ఉండటంవల్ల పండగలు మిస్ అవుతున్నాను. లక్కీగా ఈసారి షూటింగ్ లేదు. అందుకని ముంబయ్ వెళ్లాను. సంక్రాంతి పండగను చాలా గ్రాండ్‌గా జరుపుకుంటున్నాం. మా పంజాబీలం సంక్రాంతి పండగను ‘లోరి’ అంటాం.

లోరీనాడు పోటీలు పడి మంటలు వేస్తాం. సరదా కోసం మొదలుపెట్టే ఈ మంటల తతంగం చివరికి పోటీగా మారుతుంది. ఎందుకంటే ఎంత పెద్ద మంట వేస్తే అంత బాగా లోరీ చేసుకున్నట్లు. ఇంకో విషయం ఏంటంటే.. మంటల్లో పేలాలు, బియ్యం, నువ్వులు వేస్తాం. ఇక సంక్రాంతికి ‘ముగ్గులు’ సందడి ఎలానూ ఉంటుంది.

మా అమ్మ నువ్వుల లడ్డు, గారెలు, చక్రపొంగలి చేస్తుంది. అవన్నీ ఇష్టంగా లాగించేస్తా. ఇక పండగ సందర్భంగా ఆ భగవంతుడ్ని ఒకటే కోరుకుంటున్నా. నా చెల్లెలు నిషా, నా కెరీర్ ఇంకా బ్రైట్‌గా ఉండాలని, మాకు ఇంకా గుర్తింపు రావాలని ఆశిస్తున్నా. అలాగే అందరి జీవితాలూ ఆనందమయం కావాలని కోరుకుంటున్నాను.