కమెడియన్ సునీల్ కి పెళ్లయిపోయింది కదా, మళ్లీ ఈ పెళ్లేంటని అనుకుంటున్నారా? ఇది నిజం కాదు...సినిమా పెళ్లి! బాలీవుడ్ లో హిట్ అయిన తను వెడ్స్ మను రీమేక్ చేయడానికి గత కొంతకాలంగా సన్నాహాలు జరుగుతున్న సంగతి తెలిసిందే. అయితే ఇందులో సునీల్ సరసన ఎవరైనా క్రేజీ హీరోయిన్ తీసుకోవాలని నిర్మాతలు అన్వేషించారు.చివరకు తాప్పీ అయితే ఆ పాత్రకి తగిన విధంగా సరిపోవడంతో పాటు క్రేజ్ కూడా ఉంటుందని ఆమెని ఈ చిత్రంలో కథానాయికగా ఎంపిక చేసుకున్నారు. దేవి ప్రసాద్ దర్శకత్వంలో మెగా సూపర్ గుడ్ ఫిల్మింస్ సంస్థ నిర్మించే ఈ చిత్రం త్వరలోనే సెట్స్ మీదకు వెళ్లనుంది. సునీల్, తాప్సీల విచిత్రమైన కాంబినేషన్ తో ఈ పెళ్లికి తప్పకుండా హై ఎక్స్ పెక్టేషన్స్ ఉంటాయని ప్రత్యేకంగా చెప్పక్కర్లేదు...
సన్నగా కనిపించడం మాత్రం చాలా కష్టమని... కిడ్నాప్ షూటింగ్ కు ముందు తాను లావుగా ఉండడంతో సన్నబడాలని అందరూ చెప్పారని, ఎంతగా ప్రయత్నించినా తగ్గకపోవడంతో ఆపరేషన్లు తప్పలేదని గుర్తు చేసుకుంటోంది మినీషా లాంబా. అయితే ఇప్పుడు ఎందుకా గొడవ గుర్తుకు వచ్చిందీ అంటే ఇప్పుడు ఆమెని ‘జిల్లా ఘజియాబాద్’ దర్శకుడు లావెక్కమన్నాడట. ఆమె తాజా చిత్రం ‘జిల్లా ఘజియాబాద్’ లో మినీషా పల్లెటూరి పడుచులా కనబడాల్సి ఉండడంతో కాస్త బరువు పెరగాలని, అప్పుడే ఘాఘ్రా చోలీలో అందంగా కనబడతావని దర్శకుడు చెప్పడంతో బరువు పెరగడానికి ప్రయత్నిస్తోంది.
ప్రముఖ జర్మన్ లగ్జరీకార్ల తయారీ సంస్థ ఆడి యూరప్‌లోని తన హంగేరియన్ యూనిట్‌ను విస్తరిస్తున్నట్లు ప్రకటించింది. ఈ విస్తరణ ద్వారా 2,100 మందికి ఉద్యోగ అవకాశాలు లభిస్తాయని ఆడి చైర్మన్ రూపెర్ట్ స్టాడ్లర్ తెలిపారు. మార్కెట్ పరిస్థులకు అనుగుణంగా మరింత మంది వర్కర్లు చేర్చుకోవాలని నిర్ణయించినట్లు ఆయన తెలిపారు.
ప్రభుదేవా, నయనతారల వివాహానికి లైన్ క్లియర్ అయిపోయింది. చెన్నయ్ లోని ఫ్యామిలీ కోర్టు ప్రభుదేవా, అతని భార్య రమాలత్ లకు ఈరోజు (070-07-2011)విడాకులు మంజూరు చేసింది. ప్రభుదేవ, రామలత్ ల 15ఏళ్ళ వైవాహిక జీవితానికిగాను రమాలత్ కు భరణంగా పది లక్షల నగదు, రెండు ఫ్లాట్లు, ఓ కారు ఇవ్వాల్సిందిగా ప్రభుదేవాను న్యాయమూర్తి ఆదేశిస్తూ విడాకులు మంజూరు చేశారు. ఈ విషయంలో నాలుగు రోజుల క్రితం తన ఆస్తికి సంబంధించిన దస్తావేజులను ప్రభుదేవా కోర్టుకి సమర్పించిన సంగతి తెలిసిందే.
హైదరాబాద్: తెలంగాణ రాష్ట్రం ఏర్పడితే తెలుగుదేశం పార్టీ అధ్యక్షుడు నారా చంద్రబాబు నాయుడు రాష్ట్రంలో ఉండరని తేలిపోయింది. రెండు రాష్ట్రాలు ఏర్పడితే చంద్రబాబు ఢిల్లీకి వెళ్లి అక్కడి నుంచి ప్రజాసేవ చేస్తారని, అప్పుడు చంద్రబాబు జాతీయ నాయకుడు అవుతారని తెలుగుదేశం తెలంగాణ ఫోరం కన్వీనర్ ఎర్రబెల్లి దయాకర రావు అన్నారు. తెలంగాణ రాష్ట్రం ఏర్పాటుకు చంద్రబాబు వ్యతిరేకి కారని ఆయన స్పష్టం చేశారు. తెలంగాణ విషయంలో తమ పార్టీని విమర్శించే నైతిక హక్కు ఎవరికీ లేదని ఆయన అన్నారు. తెలంగాణ కోసం ఇంకా ఎంత మంది బలిదానాలు చేస్తే కాంగ్రెసు అధ్యక్షురాలు సోనియా గాంధీ దయతలుస్తారో తెలియడం లేదని ఆయన అన్నారు. 
మంచు విష్ణుకు స్విట్జర్లాండ్ల్ లో పోలీసులు జరిమానా విధించారు. కారణం ఏమిటంటే కొంతకాలం క్రితం విష్ణు జెనివా వెళ్లారు. అక్కడ ఆయన కారు డ్రైవ్ చేశారు. అది తప్పుకాదు. కాని నిర్దిష్ట వేగం కంటే మించి కారు నడిపారు. నూట ఇరవై కిలో మీటర్ల వేగం వరకు ఆ రహదారిలో కారు నడపవచ్చు. కాని మన హీరో 145 కిలో మీటర్ల వేగంతో నడపడంతో వెంటనే బుక్ అయ్యారు. అయితే అక్కడ ఆయన దానికి సంబంధించి జరిమాన చెల్లించలేదు. స్విస్ పోలీసులు కారు వివరాలు, డ్రైవ్ చేసిన విష్ణు వివరాలు సేకరించి ఇంటర్ పోల్ ద్వారా సమాచారం సంపాదించి హైదరాబాద్ పోలీసులకు ఆ సమచారం పంపారు. ఆ వారంట్ పట్టుకుని సిఐడి పోలీసులు విష్ణును కలిసి వివరించారు. దాంతో విష్ణు ఆ జరిమాన సుమారు ఇరవైనాలుగు వేల రూపాయల మేర చెల్లించారు.ఇక వస్తాడు నా రాజు చిత్రం ప్లాఫ్ తర్వాత విష్ణు ఏ సినిమా కమిట్ కాలేదు
హైదరాబాద్: తెలంగాణ రాష్ట్ర సాధన కోసం ఇక ఐక్య ఉద్యమాలు చేస్తామని తెలంగాణకు చెందిన రాష్ట్ర మంత్రి కె. జానా రెడ్డి చెప్పారు. తెలంగాణ జెఎసి నేత కోదండరామ్‌తో భేటీ అనంతరం ఆయన గురువారం సాయంత్రం మీడియా ప్రతినిధులతో మాట్లాడారు. ఢిల్లీ పరిణామాలను జానా రెడ్డి తనకు వివరించారని కోదండరామ్ చెప్పారు. తెలంగాణ ఉధృతికి చేపట్టాల్సిన చర్యలపై జానారెడ్డితో చర్చించినట్లు ఆయన తెలిపారు. కాంగ్రెసు పార్టీ ప్రతిష్టను కాపాడేందుకు ప్రజల మనోభావాలకు అనుగుణంగానే తాము రాజీనామాలు చేశామని జానా రెడ్డి చెప్పారు. తెలంగాణ సాధన కోసం ఏ విధంగా వ్యవహరించాలో ఆ విధంగా వ్యవహరిస్తామని ఆయన అన్నారు. రాజీనామాల నేపథ్యంలో కేంద్ర ప్రభుత్వం తెలంగాణపై తర్జనభర్జనలు పడుతోందని, చర్చలు సాగుతున్న సమయంలో ఆందోళన కలిగించే చర్యలు చేపట్టకూడదని ఆయన అన్నారు.