రానా 'దమ్ మారో దమ్' విడుదల తేది ఎప్పుడంటే...

లీడర్ తో తెలుగువారికి పరిచయమైన దగ్గుపాటి రానా తొలి బాలీవుడ్ చిత్రం 'దమ్ మారో దమ్' ఏప్రిల్ 22న విడుదల కానుంది. రోహన్ సిప్పీ దర్శకత్వం లో రూపొందిన ఈ చిత్రంలో అభిషేక్ బచ్చన్, రానా, బిపాషా బసు, ప్రతీక్ బబ్బర్ (రాజ్‌బబ్బర్ కుమారుడు) కీలకపాత్రలు పోషించారు. అలాగే ఈ చిత్రలో రానా, బిపాషా జంటగా చేసింది.అలాగే దేవానంద్ సూపర్ హిట్ 'హరే రామ హరే కృష్ణ'లోని పాపులర్ సాంగ్ 'దమ్ మారో దమ్'ని ఈ సినిమాలో రీమిక్స్ చేశారు. ఆ పాటకి దీపికా పదుకోనే డాన్స్ చేసింది. డ్రగ్స్, సెక్స్, రాక్ అండ్ రోల్ పార్టీల నేపధ్యంలో ఈ చిత్రం రూపొందనుంది. గోవా నేపథ్యంలో రూపొందించిన ఈ చిత్రంలో అభిషేక్ బచ్చన్ పోలీస్ ఇన్‌స్పెక్టర్‌గా నటించాడు. అక్కడ స్ధానిక గోవా కుర్రాడుగా రానా కీలక పాత్రని చేశాడు. రమేశ్ సిప్పీ ఎంటర్‌టైన్‌మెంట్, ఫాక్స్ స్టార్ స్టూడియోస్ సంయుక్తంగా ఈ చిత్రాన్ని నిర్మిస్తున్నాయి. ఇక 'దమ్ మారో దమ్' చిత్రంలో తన పాత్ర గురించి చెపుతూ... ' ఈ సినిమాలో నేను గోవా యువకుడిగా నటిస్తున్నాను. ఇందుకోసం గిటార్, బైక్ రైడింగ్ నేర్చుకున్నాను. సినిమాలో నేను కొంకిణి భాష మాట్లాడాలి. సినిమాకు ప్రత్యేకంగా డబ్బింగ్ చెప్పడమని ఉండదు. షూటింగ్ జరుగుతుండగానే వాయిస్ రికార్డ్ చేస్తారు అని చెప్పుకొచ్చారు.