విద్యార్థినిపై ఐఐటి-బొంబాయి ప్రొఫెసర్ లైంగిక వేధింపులు

 న్యూఢిల్లీ: ఇండియన్ ఇనిస్టిట్యూట్ ఆఫ్ టెక్నాలజీ - బొంబాయి (ఐఐటి - బి) ప్రొఫెసర్ విద్యార్థినిపై లైంగిక వేధింపులకు పాల్పడిట్లు బయటపడింది. ఆ ప్రొఫెసర్‌కు ఉద్వాసన పలికేందుకు రంగం సిద్ధమైంది. ఐఐటి - బిలో పర్యావరణ ఇంజనీరింగ్ శాఖ ప్రొఫెసర్ ఎస్‌కె గుప్తాను పదవీ విరమణ చేయించి ఇంటికి పంపేందుకు కేంద్ర మానవ వనరుల శాఖ మంత్రి కపిల్ సిబాల్ ఏర్పాట్లు చేసినట్లు తెలుస్తోంది. 15 ఐఐటిలకు సంబంధించి అత్యున్నత నిర్ణాయక సంస్థ ఐఐటి మండలి చైర్మన్‌గా సిబాల్ కొనసాగుతున్నారు. గుప్తా మానవ వనరుల మంత్రికి, రాష్ట్రపతికి విజ్ఞప్తి చేసుకున్నారు. అయినా గుప్తా వినతిని తోసిపుచ్చుతున్నట్లు సమాచారం.

విద్యార్థినిని గుప్తా చాలా కాలంగా లైంగికంగా వేధిస్తున్నట్లు సమాచారం. అయితే విద్యార్థిని ప్యానెల్ ముందు హాజరు కావపడానికి నిరాకరించింది. అయితే, విద్యార్థినిని గుప్తా లైంగికంగా వేధించినట్లు ప్యానెల్ నిర్ధారించింది. గుప్తాను తప్పనిసరి పదవీ విరమణపై పంపించాలని ఐఐటి - బి పాలక మండలి నిర్ణయించింది.