Saturday, February 5, 2011
పవన్ కళ్యాణ్, మహేష్ బాబు, జూ ఎన్టీఆర్ ఢీ అంటే ఢీ....
పవన్ కళ్యాణ్, మహేష్ బాబు, జూ ఎన్టీఆర్ ఢీ అంటే ఢీ....
పవన్ కళ్యాణ్ టైటిల్‌ పాత్ర పోషించిన ‘కొమరం పులి’, మహేష్ బాబు 
నటించిన ‘మహేష్ ఖలేజా’, ఎన్టీఆర్ తో తెరకెక్కిన‘బృందావనం’.. మూడు చిత్రాలు నెల రోజుల వ్యవధిలో విడుదల కావడం తెలిసిందే. మళ్లీ వేసవికి కూడా ఈ ముగ్గురు టాప్‌ హీరోల చిత్రాలు ఒకదానితో ఒకటి పోటీ పడే అవకాశముందనే అంచనాలు వెలువడుతున్నాయి.
జయంత్‌ సి.పరాన్జీ దర్శకత్వంలో పవన్ కళ్యాణ్ తో ‘లవ్‌ ఆజ్‌ కల్‌’కు రీమేక్‌ గా నటుడు గణేష్‌ బాబు నిర్మిస్తున్న చిత్రం వేసవి కానుకగా విడుదలయ్యే అవకాశముందని తెలుస్తోంది. ఈ చిత్రానికి అధికారికంగా టైటిల్‌ ఇంకా ప్రకటించకపోయినా..‘వల్లీ’‘తీన్ మార్’ అనే రెండు టైటిల్స్‌ ప్రచారంలో ఉన్నాయి. అలాగే, మహేష్ బాబు-శ్రీనువైట్ల కాంబినేషన్‌ లో రూపొందుతున్న ‘దూకుడు’ చిత్రాన్ని కూడా సమ్మర్‌ స్పెషల్‌ గా విడుదల చేసేందుకు సన్నాహాలు చేస్తున్నారని ప్రచారం జరుగుతోంది. భారీ అంచనాల మధ్య విడుదలైన ‘ఖలేజా’ కూడా నిరాశపరిచినందున మహేష్ ఫ్యాన్స్‌ ‘దూకుడు’ చిత్రం కోసం ఆతృతగా ఎదురు చూస్తున్నారు.
ఇక, ఈ ఏడాది సంక్రాంతికే విడుదలవుతుందని ప్రకటించబడిన ఎన్టీఆర్ ‘శక్తి’ కూడా వేసవి వినోదం అందించేందుకు బరిలోకి దిగనుంది. తెలుగు చలన చిత్ర చరిత్రలోనే అత్యంత భారీ వ్యయంతో రూపొందుతున్న ఈ చిత్రాన్ని సమ్మర్‌ లో విడుదల చేయడమే సరైనదని దర్శకనిర్మాతలతోపాటు చిత్ర కథానాయకుడు ఎన్టీఆర్ అభిప్రాయపడుతున్నట్లు సమాచారం. ఈ నేపథ్యంలో ఈ ముగ్గురు మొనగాళ్లు మరొకసారి ‘ఢీ అంటే ఢీ’ అనబోతున్నారా అనే ఆసక్తికర చర్చ టాలీవుడ్‌ లో మొదలు కానుంది.
ముసలి వయసులో బికినీ వేసి కుర్రకారుకి కిక్ ఎక్కిస్తున్న హీరోయిన్
ముసలి వయసులో బికినీ వేసి కుర్రకారుకి కిక్ ఎక్కిస్తున్న హీరోయిన్
2008వ సంవత్సరంలో అత్యంత స్టయిలిస్ ఉమెన్‌గా గుర్తింపు తెచ్చుకున్నటువంటి అలనాటి అందాల తార డామి హెలెన్ మిర్రన్ తనలో తనకి ఎటువంటి స్టయిల్ ఉండదని అన్నారు. ఏదో కొత్త తనంగా ఉండాలనే ప్రయత్నం తప్ప..ఆకొత్త తనాన్నే నేటి యవతరం అదోక స్టయిల్‌గా పరిగణిస్తుంది తప్ప నాకంటూ ఓ ప్రత్యేకమైనటువంటి స్టయిల్ అంటూ ఏమి లేదని తేలికగా కొట్టిపారేశారు.
ఈ సందర్బంలో డామి హెలెన్ మిర్రన్ మాట్లాడుతూ నావయసు అరవై అయిదు సంవత్సరాలు. ఇప్పటికి కూడా నన్ను చాలా మంది మీరు చాలా స్టయిల్‌గా ఎలా ఉండగలుగుతున్నారు అని అడుగుతుంటారు..దీనికి నేను ఇచ్చే ఒకే ఒక సమాధానం నేను నాశరీరాన్ని ఎల్లప్పుడూ చాలా శుభ్రంగా ఉంచుకోవడానికి ప్రయత్నిస్తాను..బహుశా అదే కాబోలు నేను ఇంత స్టయిల్ గా ఉండడానికి కారణం అన్నారు.
తను నటించినటువంటి కొత్త సినిమా బ్రైటన్ రాక్ ప్రీమియర్ సందర్బంగా తన అభిమానులతో ఇష్టాగోష్టిగా మాట్లాడారు. ఇది మాత్రమే కాకుండా డామి హెలెన్ మిర్రన్ పోయిన సంవత్సరం బికినీ ఎర్రని బికినీ ధరించి దిగినటువంటి పోటోలు ఇప్పటికి కూడా కుర్రకారు గుండెల్లో గుబులు పుట్టిస్తున్నాయంటే నమ్మండి అంతలా తన శరీరాన్ని ఎల్లప్పుడు ఫిట్‌గా సాధన చేస్తుంటారు. ఇటీవల డామి హెలెన్ మిర్రన్ నటించినటువంటి ద కింగ్స స్పీచ్ సినిమా ఆస్కార్ నామినేషన్స్‌లో దూసుకుపోతున్న విషయం తెలిసిందే.
Subscribe to:
Posts (Atom)